– “Vallë, për Atë janë vajzat, kurse për ju djemtë?!” – Edhe ky është një qortim, madje Allahu i Madhëruar ua hedh poshtë pretendimin se Ai ka bija. Ata thoshin se melekët ishin femra dhe ishin fëmijë të Zotit, ndërkohë që për veten e vet donin dhe preferonin fëmijë meshkuj. Kështu, ata i konsideronin melekët si bijat e Zotit dhe i adhuronin së bashku me Zotin. Ky ajet është një kërcënim i ashpër kundër këtyre trilluesve të kotësirave.
